Дезодорант пен антиперспирант:
айырмашылығы неде?
Дезодорант пен
АНТИПЕРСПИРАНТ
Дезодорант пен антиперспиранттың басты айырмашылығы – дезодорант тердің шығуына кедергі келтірмей, жағымсыз дене иісін азайтады, ал антиперспирант тер бөлінуін баяулатып, қолтықты құрғақ ұстауға көмектеседі.
Көптеген адамдар оларды бір ұғым ретінде қабылдап, атауларын алмастырып қолданады. Екеуін де бір аймаққа жағамыз, бірақ әсері мүлдем бөлек!
Дезодоранттар қолтық астындағы жағымсыз иісті жою үшін жасалған, бірақ тер бөлінуін бөгемейді.
Көпшілік тердің өзі иіс шығарады деп ойлайды, шын мәнінде тердің иісі жоққа тән. Дене иісі терідегі бактериялар тез көбейіп, терді қышқылдарға ыдыратқан кезде пайда болады. Сол кезде жағымсыз иіс сезіледі.
Осында дезодорант көмектеседі – теріге жағылғанда ол терінің ортасын сәл қышқыл етеді, бұл бактериялар үшін қолайсыз, нәтижесінде сіз өзіңізді сергек сезініп, жағымсыз иістен қорғалған боласыз.
Антиперспиранттар тер бездерінің саңылауларын уақытша тарылту арқылы тер бөлінуін азайтуға арналған. Бұл әсіресе шамадан тыс терлеу байқалатын және қолтық астындағы ылғалдықты азайтқысы келетін адамдарға көмектеседі.
Антиперспирант құрамындағы алюминий тұздары қолтықтағы немесе басқа өңірдегі ылғалдықта ериді. Одан кейін алюминий тер бездеріне сіңіп, тердің сыртқа шығуын біраз уақытқа қиындатады.
Біраз уақыттан соң без ішіндегі және сыртындағы ылғал мөлшері теңесіп, бездер қайтадан тер бөле бастайды. Сондықтан антиперспирант әсері шектеулі уақытқа ғана созылып, оны мезгіл-мезгіл қайта жағу керек.
Антиперспирантты тек қолтыққа ғана емес, тер көп шығатын басқа аймақтарға да жағуға болады.
Дезодорант пен
АНТИПЕРСПИРАНТТЫҢ АРТЫҚШЫЛЫҚТАРЫ ҚАНДАЙ?
Дезодорант пен антиперспиранттың міндеттері сәл бөлек болғанымен, екеуінің де ортақ артықшылықтары бар:
- Дене иісін азайту:
антиперспирант тер бөлінуін азайту арқылы, ал дезодорант жағымсыз иіс тудыратын бактериялардың өсімін тежей отырып әсер етеді.
- Құрғақтықты бақылау:
антиперспиранттар тер бездерінің саңылауларын уақытша тарылтып, тер бөлінуін азайтады – осылайша сіз өзіңізді құрғақ әрі сергек сезінесіз.
- Түсті қорғау:
киіміңізде дезодорант дақтары жиі қалатын болса, қара киімде ақ іздердің, ал ашық киімде сары дақтардың пайда болуына жол бермейтін NIVEA Black&White Antiperspirant Deodorant Roll-On сияқты түсін қорғайтын формулаларды таңдаңыз.
Қайсысын қолданған дұрыс:
ДЕЗОДОРАНТ ПА, ӘЛДЕ АНТИПЕРСПИРАНТ ПА?
Бұл сіздің күткен нәтижеңізге және өзіңізді қаншалықты жайлы сезінгіңізге байланысты – дезодорант тек жағымсыз иістен қорғаса, антиперспирант сонымен қатар тер бөлінуін де азайтады.
Күніңіз қалай өтетініне, спортпен шұғылданатыныңызға немесе далада көп жүретініңізге қарай қажеттілігіңіз өзгеруі мүмкін. Терлеу деңгейі әртүрлі болған сайын антиперспиранттың күші де әртүрлі болуы қажет.
Дезодорантты таңдаңыз, егер:
Жағымсыз дене иісінің алдын алғыңыз келсе;
Күшті терлемейсіз және жеңіл қорғаныс жеткілікті болса;
Күні бойы қатты терлеуді күтпей, жеңіл белсенділікпен ғана шектелсеңіз.
Антиперспирантты таңдаңыз, егер:
Сізге қуаттырақ қорғаныс керек болып, әрі жағымсыз иістен, әрі қолтықтың ылғалды болуынан сақтанғыңыз келсе;
Жаттығу жасау, күн астында ұзақ жүру немесе өте белсенді күн күтіп тұрса, және өзіңізді күні бойы сергек әрі құрғақ сезінгіңіз келсе.
Қазір көптеген өнімдерде дезодорант пен антиперспиранттың қасиеттері біріктірілген – олар бір мезгілде иістен де, ылғалдықтан да қорғайтын қосарланған қорғаныс береді!
Дене иісінің алдын алуға арналған
ПАЙДАЛЫ КЕҢЕСТЕР
Жағымсыз дене иісін азайтуға көмектесетін қарапайым әдеттер:
- Қолтықты күніне кем дегенде екі рет сабынмен жуыңыз және мұқият құрғатыңыз;
- Қолтық түгін жүйелі түрде алыңыз;
- Дезодорант немесе антиперспирантты тек таза әрі құрғақ теріге жағыңыз;
- Киімді жиі ауыстырып, дер кезінде жуып отырыңыз;
- Мақта, жүн, жібек сияқты табиғи матадан тігілген киім киіңіз;
- Кофеин мен алкогольді шамадан тыс тұтынудан аулақ болыңыз;
- Иісі өткір, тым ащы тағамды көп мөлшерде жеуді шектеңіз.
NIVEA Deo өнімдерінің желісін зертлеңіз: мұнда сезімтал теріге арналған жұмсақ дезодоранттар да, киімде із қалдырмайтын тиімді антиперспиранттар да бар – барлығы да дене иісінен және/немесе тершеңдіктен ұзақ уақыт бойы сенімді қорғаныс береді.
Спрей, ролик немесе стик форматында – NIVEA ассортиментінен өз өмір салтыңыз бен талғамыңызға ең жақсы үйлесетін өнімді таба аласыз. Құрамында теріні күтіп, жұмсартып, қорғайтын ингредиенттер бар, сондықтан теріңіз нәзік әрі жібектей жұмсақ болып қалады.
NIVEA Derma Dry Control антиперспирант-спрейімен танысыңыз: құрамында C дәрумені бар, ол тердің бөлінуі мен дене иісіне қарсы 96 сағатқа дейін сенімді қорғаныс беріп, теріні жібектей жұмсақ күйде сақтауға көмектеседі.
NIVEA Derma Dry технологиясы қатты терлеуді бақылауға және терінің тітіркенуінің алдын алуға жәрдемдеседі. Тітіркендірмейтін формуласы ерлерге арналған нұсқада да бар.
