Маңдайдағы әжімдерді азайтып,
тері тегіс болсын
Маңдайдағы
әжімдер деген не?
Жас ұлғайған сайын терімізді серпімді етіп, созылғыштық беретін эластин мен коллаген азаяды. Сол себептен тері бұрынғыдай тез қалпына келмейді, ұсақ сызықтар мен әжімдер пайда бола бастайды. Уақыт өте келе бұл сызықтар тереңдеп, беттің тыныш күйінде де байқалатын болады. Көбіне бұл маңдайда көрінеді. Қысқаша айтқанда, маңдай әжімдері — маңдай бойымен көлденең түсетін сызықтар.
Маңдайдағы әжімдердің түрлері
Әжімдер екі түрге бөлінеді: динамикалық және статикалық. Динамикалық әжімдер бет-әлпет жасаған кезде пайда болып, күлу, көзді сығырайту немесе қабақ түю тоқтағанда жоғалады. Ал статикалық әжімдер бетіңіз тыныш күйде болғанда да қалып қояды. Көптеген адамдар дәл осы «статикалық әжімдерден» қашқысы келеді.
Маңдайдағы ұсақ сызықтар – қартаюдың табиғи бөлігі және өмірді белсенді сүргеніңіздің белгісі: қандай да бір эмоцияны жиі білдірсеңіз, олар да жиірек пайда болуы мүмкін. Сондықтан маңдайыңызды алаңдап бүрістірмеңіз – бұған қатты көңіл бөлуге тұрмайды. Дегенмен, егер олар сізді мазаласа, көрінісін азайтудың көптеген жолы бар.
Маңдайдағы әжімдер немесе кейбіреулер атап жүргендей,
мимикалық әжімдер неден пайда болады?
Беттегі тері нәзік, сондықтан уақыт өте келе әжімге бейім келеді.
Ең жиі әжім пайда болатын аймақтар:
- «Қараторғай» сызықтары (көз қиығындағы әжімдер)
Көздің шетіндегі ұсақ әжімдер, көбіне көзді сығырайтудан пайда болады.
- Күлкі сызықтары
Ауыз айналасындағы сызықтар – жиі күлу мен жымию салдарынан пайда болады.
- Қас арасындағы әжімдер
Маңдай әжімдеріне өте жақын орналасқан бұл сызықтар – қастың арасындағы екі тік сызық, олар қабақ түю немесе қатты шоғырлану кезінде пайда болуы мүмкін.
Айқын көрінетін әжімдерден толықтай арылу оңай емес, бірақ олар сізді мазаласа, қолдануға болатын бірнеше ем түрі бар. Көпшілікке ең қолжетімді әрі ұсынылатын әдіс – тері күтімі тәртібін қайта қарап, жаңарту.
Ғылыми жетістіктердің арқасында бүгінде жергілікті дәріханада немесе сұлулық дүкенінде оңай табылатын көптеген қартаюға қарсы өнімдер бар, олардың құрамында әсері дәлелденген күшті ингредиенттер кездеседі.
Маңдайдағы сызықтарға қарсы 3 қуатты ингредиент
Бұл ингредиент туралы тері күтімі қауымдастығында жиі айтылады. Гиалурон қышқылы теріні қарқынды ылғалдандырып, оны толық, сау көрінетін етеді. «Қышқыл» сөзі қорқытуы мүмкін, бірақ алаңдамаңыз – ол қауіпсіз және тері күтімін жаңартқанда назар аударатын тамаша ингредиент.
Гиалурон қышқылы NIVEA-ның бірнеше қартаюға қарсы өнімінде басты рөл атқарады, мысалы, күндізгі және түнгі кремдер мен сарысудан тұратын NIVEA Cellular Expert Filler желісінде.
Q10 коэнзимі ұсақ сызықтар мен әжімдердің көрінуін азайтуға өте тиімді. Неліктен? Себебі ол – күн, сыртқы орта әсері және қартаюдан туындайтын зақымданудан теріні қорғауға көмектесетін қуатты антиоксидант. Сонымен қатар, коллаген түзілуін қолдап, жасушалардың жаңаруына және терінің серпімділігін сақтауға көмектеседі, осылайша ұсақ сызықтар мен әжімдердің көрінуін төмендетеді. Q10 коэнзимі бар өнімдер желісі ғылым күшін пайдаланып, теріге айтарлықтай ықпал етеді.
Q10 Anti-wrinkle Power Replenishing Serum Pearls әр порцияда Q10 коэнзимінің жоғары мөлшерін береді. Бұл – әжімге қарсы технологиядағы керемет жаңалық. Q10 коэнзимінің жоғары концентрациясы бос радикалдардан қорғайды және теріге энергия сыйлап, оның қайта жаңаруына жәрдемдеседі. Көптеген әйелдер бар болғаны екі апта ішінде айтарлықтай нәтиже байқаған.
Сонымен қатар, жаңа Q10 Targeted Wrinkle Filler маңдай сызықтары, күлкі сызықтары және ерін айналасындағы әжімдер сияқты дәл өңдегіңіз келетін аймақтарға бағытталған күтім көрсетеді. Ол терінің ішіне 10 қабатқа дейін еніп, 5 минут ішінде алғашқы нәтижені көрсетеді. Терең әжімдерді ұзақ мерзімде азайту үшін құралды тұрақты түрде қолданыңыз.
«Бұл жаңа Q10 Targeted Wrinkle Filler өңдеуді дәл өзіңіз жақсартқыңыз келетін аймақтарға бағыттайды: маңдай сызықтарынан бастап, күлкі сызықтары мен ерін контуры бойындағы әжімдерге дейін.»
Сіз ретинол туралы естіген боларсыз – бакучиол сол ретинолдың қолдануға жеңіл баламасы. Көп адам ретинолды қолданғанда, әсіресе сезімтал теріде, тітіркенуді байқайды. Ал бакучиол – тек өсімдік негізіндегі, соған қарамастан ретинол сияқты әсер ете алатын, бірақ тітіркену тудырмайтын ингредиент.
Бакучиол ұсақ сызықтар мен әжімдерге қарсы күресуге көмектеседі, безеуді азайтуға, тері реңкін теңестіруге ықпал етеді және коллаген түзілуін ынталандырады. Бұл – нағыз қуатты ингредиент.
Бакучиол бар NIVEA Cellular Expert Lift желісі ең тиімді қартаюға қарсы күтім түрлерінің бірі болып табылады. NIVEA Cellular Expert Lift Pure Bakuchiol Anti-Age Day Cream SPF30 күндізгі кремін NIVEA Cellular Expert Lift Pure Bakuchiol Anti-Age Night Cream түнгі кремімен үйлестіріп қолданып көріңіз – бұл терең маңдай әжімдерін нысанаға алып, теріні тәулік бойы күшейте түсетін 24 сағаттық күтім режимі.
Әжімдерге қарсы
табиғи тәсілдер
Алақаныңызға бір шай қасық тазартылмаған кокос майын құйып, қолыңыздың арасымен үйкеп қыздырыңыз. Сосын оны маңдай мен сізді мазалайтын басқа аймақтарға массаж жасап жағыңыз. Майды бірнеше минуттан кейін жуып тастауға немесе неғұрлым қарқынды ылғалдандыру үшін түні бойы бетіңізде қалдыруға болады. Бірақ, егер теріңіз безеуге бейім болса, бұл әдісті қолданбаған жөн.
2) Бетті уқалау
Жеңіл массаж қан айналымын жақсартып, бет бұлшықеттерін босаңсытады, бұл әжімдер мен ұсақ сызықтарды азайтуға немесе мүлде болдырмауға көмектеседі. Бетті уқалағанда міндетті түрде май пайдаланыңыз – теріні тарту одан сайын зақым келтіруі мүмкін.
Бір шай қасық зәйтүн майын бір шай қасық кокос майымен араластырып көріңіз. Қолмен немесе гуаша құралымен маңдайыңызды шамамен он минут бойы жоғары бағытта уқалаңыз. Содан кейін бетті жылы сумен жақсылап шайып, жұмсақ сүртіңіз. Бұл рәсімді әр кеш сайын қайталау ұсынылады.
Ботокс – маңдай бұлшықеттеріне енгізілетін, олардың қозғалысын тежейтін бұлшықет босаңсытқыш. Ол әжімдердің тереңдеуіне жол бермеуге де көмектесе алады. Есіңізде болсын, бет анатомиясы күрделі болғандықтан, ботокс сияқты инъекцияларды тек лицензиясы бар маманнан қабылдау өте маңызды.
Адамдар әжімдерін емдеу үшін қолданатын көптеген тәсілдер сол әжімдердің пайда болуына жол бермеу үшін де қолданылады – әжімдерді алдын алу оларды кейін жоюға қарағанда әлдеқайда жеңіл!
Жоғарыда атап өткен емдер мен тәсілдердің бір бөлігін күнделікті күтіміңізге қосу тері серпімділігі мен коллаген деңгейін сақтауға көмектесіп, әжімдердің түзілуін тежейді. Ең бастысы – жүйелілік пен тұрақтылық.
Қасыңды түйме,
маңдайыңды бүріс тартпа…
Есіңізде болсын, әжімдерді міндетті түрде «түзету» немесе жоюдың қажеті жоқ. Олар ауыртпайтын, табиғи құбылыс және уақыт өте келе әркімнің терісі жасына сай өзгерістерді көрсетеді. Әжімдер – түбінде жақсы өмір сүріп жатқаныңыздың белгісі.
Егер маңдайдағы ұсақ сызықтар мен әжімдер сізге ұнамайтын болса, оларды азайтудың жолдары бар. Ең маңыздысы – өз теріңізде өзіңізді жайлы сезіну.
